1. 我一次過報晒咁多個（AO/EO/ATO/...）係咪會冇咁好？
其實真係冇咁好。因為到你interview既時候，個interview panel係會睇到你報左d咩。你報晒，無錯機會係多左，但係亦顯出你冇咩誠意。EO interview時成日都會問你有冇報其他grade（明知故問），有d interviewer 甚至會追問你其他grade面試情況點樣。呢個時候，其實你答都答得幾尷尬。而家你咩都報晒既話，咁你自介既時候，講你有幾適合呢份工，你有幾想做，其實都係冇咩說服力。我點知你去到第二個grade面試時又講埋d同樣既野？
當然，呢個未必實質直接影響你既面試成績，但都幾可能會影響考官對你既印象。
每年都有神人拎到兩三個grade 既offer，但神人有幾多個？你係唔係神人？所以，admin建議你認清自己實力／要求，收窄範圍，唔好大包圍。（英文極差：唔好報AO；唔想外派：唔好報ATO；唔想做到嘔泡：唔好報LO）
2. 咩post最有前途？
好老實講，可以入到政府都已經唔錯。若然你真係想好好地發展，咁選擇AO>ATO / MSO > EO。AO人工高，升級也較容易升到首長級，當然你的能力也很重要（聽過有些人能力不足，做了3年就再見）。ATO/MSO 發揮的空間較多，即使現在的起薪不及EO，但發展得比EO好。至於EO，由於近年聘請了大量EOII，因此要升EOI要等較長的時間。不過儘管如此，EO的人工還是吸引的。
3. 讀咩科先最有機會有offer？
其實係睇人唔係睇科，只要show到你語文能力好，有管理能力、應變能力，視野夠闊，諗野全面，人地就會覺得你係suitable candidate，就會比offer你。不過你讀既科係會影響你既人，例如諗法、視野，對某d課題既熟悉程度，呢d都會影響你面試既表現。
4. 報政府工定係私人公司的工好？
經常會見到政府中人離任到私人公司做，為什麼呢？一來因為政府工比較沉悶，好多時都係要做日常事務性的工作，相比私人公司，少一點發揮的空間。有野心有能力的人，自然不甘安於此，他們會選擇更有挑戰性的私人公司工作。另外，也從實際處想，如果私人公司offer的人工比政府高，那你自然就會去私人公司。不過私人公司在升遷方面的競爭極大，這一點要留意。
5. 我報名時報的學歷、工作經驗是否要有證明也可寫？
是，因為當你進入面試階段時，你需要提供有關證明文件的正副本。
6. 報名期結束之後，我可以再更改填報的個人資料嗎（包括學歷、工作經驗等）？
可以，一般你面試時，職員都會讓你核對你填報的資料。若你有任何更改，便可在該表格上更改並加簽。
返回【政府工系列】目錄
