未圓湖獅子亭
民主女神像：幾經騎劫，可謂歷盡蒼桑，作為大學站地標之一，點可以唔影？
YIA七小龍：歷盡風吹雨打，無懼世事變改，都總會有一條壞。識影一定係去搵壞左個條影。
UC 草地：青草地，影落好文青.......
UC lib 一樓平台：雖然uc lib d 電腦係廢廢地，但一樓平台又有另一番風景。
SHAW 校友徑：有草有孫中山.....可以去膜拜下呢位典型既（唔做野又上到位既）政治家
天人合一：呢個唔洗我講啦.......年年都去影架啦
仲門：記得要中出仲門wor.. 雖然可能畢唔到業.....但唔驚wor ... admin 已經成功影左一張，而且First Hon 畢業。
煲底：影都係影中大校徽，然後出去威威，話自己係中大學生
中國文化研究所：雖然你可能唔知邊個叫李卓敏（創校校長），但你可以同佢影相。而且有幾條魚渠（本人用字準確無誤），大家可以參觀下之餘，又可以影相.....影咩相？莊子與惠子遊於豪梁之上........（扮文青的必備）
「香港中文大學」牌坊：記著要著衫去wor. .
崇基石：嶺南場門口，爬上去好似好霸氣。
禮拜堂：好靚的建築，門口d 花都幾靚
小橋流水：文青必去啦，不解釋。
和聲can 門口舊石：dem beat 的話可以拍埋片。
shaw can 對出空地：女人腳有咩好影？不如去塊空地對正個海黎影好過。呢度可以望到去大埔（好似係）
圓廣：中文系有個prof 成日話上新亞圓廣依乎天鈞..可以一試...
MMW 8/F：個d 黃色既門係值得影的。