【強逼金系列之三】admin之選

以上是admin的投資組合，供大家參考。admin呢個算係進取型，但因為供款年期不長，所以回報亦唔算太多，加上2018年股票跌得甘，所以總回報得4.5%。高手可能會笑我，但呢個都算係我一家之言。

原則：
選擇較高風險的基金。原因：唔會蝕入肉。我的本金得幾萬，就算我total loss，輸極都係幾萬。所以，admin我會選擇搏一搏，單車變摩托。而且admin還年輕，沒有迫切的退休需要，所以可以搏。

所需基金
增長基金，美其名叫「增長」基金，其實係環球股票基金。基金成份較多既係美國同埋中港股票，但當然亦涉及日本、亞太同歐洲。舊年年尾美股大跌，所以亦拖累收益。

恆指基金。最受歡迎，而且表現比歐美的還要好。

核心累積基金，穩打穩紮。

最後打醬油的係「亞太股票基金」 ，三百幾蚊（一個戶口）。入落「亞太股票基金」係因為呢隻基金過往18年的表現係最好的。不過睇番呢隻野近績不如其他股票基金（如恆指基金、中港股票基金等）。遲d得閒搵第二隻轉下。

後記：admin我當年一開始選唔識選，選左個保證基金，結果幾年之後，只賺幾蚊。幾蚊同幾千蚊的分別.......