提提你

【01‧醒目消費系列】
*申請大新one+信用卡,睇下admin個review:http://cuhkinfo.blogspot.com/2017/09/blog-post_7.html
*自己佣金自己賺:旅遊預訂、網上購物賺返佣教學:http://cuhkinfo.blogspot.com/2017/05/blog-post.html

【02‧預告】
*中大資訊將開設「課程資訊平臺」收集同學對各學系科目的意見,以供來人參考。https://goo.gl/forms/eFSqE1N46RerrBll2
平臺預計於明年一月add drop前完成。

Monday, October 3, 2016

人肉veriguide 打「抄」心聲

本篇文章作者為一大學助教。 蒙作者同意轉載,謹此致謝。


好多學生都認為功課能通過veriguide的檢測就能夠過骨,但其實不然。veriguide 蠢鈍如豬乃是人所共知的事實。可是,你們不要以為助教或教授都是一樣。你的功課有抄沒抄,其實好易睇。

我批閱同學呈交的功課時,如何知道你有沒有「抄」呢?

1. 細讀同學功課的文字:文風的不同。
例如1:你用正常口吻寫緊文,中間無啦啦出左幾行文白夾雜的民初句子(非引述/無落注)

例如2: 寫寫下論文,突然用左感情色彩豐富的比喻(在教科書中抄出來的).......

你覺得助教或教授有心睇的話,睇唔睇到出來?


* 你引用人地就要寫明,你唔寫明就係抄!


2. 可疑的連接詞、代名詞。
好簡單。我睇你篇文,有「可是」、「然而」呢d咁既字眼,一定會睇下你轉咩折。一睇你前後無轉折,copy 你句野去google 一search 就知道你抄邊度。
「其」、「他」個d 代名詞,搵唔到人refer的話,基本上成句都係抄的。


3. 不對題
通常抄的同學,都會大大舊咁抄。佢地多數唔係好知人地講緊物野,只係見到有相關字眼,好似係,就抄。但其實你仔細睇一睇,段野根本同佢個標題不一致。你小標題寫「定義」,結果走左去講源起,一句都冇define 到個term....


你唔好話呢d野好簡單可以改,一定冇人會咁犯。好多人就係連呢d野都唔理,所以出事。

其實,題目係助教或教授比你的。相關範疇的資料,你能找到的,他們即使沒有看過,也都大概知道講物野。而且好多時,d 參考書目都係助教或教授比你的,所以你「參考」定「抄考」緊邊度,我地大概都知。
如果咁,你都仲要掩耳盜鈴,以為可以暪天過海的話。少年,你太年輕了。

當然,知道係一回事,話唔話你係另一回事。




想得到最新資訊?Like我地個page!

如有問題想問,不如直接pm「中大資訊」,覆得快好多。