好多學生都認為功課能通過veriguide的檢測就能夠過骨，但其實不然。veriguide 蠢鈍如豬乃是人所共知的事實。可是，你們不要以為助教或教授都是一樣。你的功課有抄沒抄，其實好易睇。
到底老師或助教批閱同學呈交的功課時，如何知道你有沒有「抄」呢？
1. 細讀同學功課的文字：文風的不同。
例子1：你用正常口吻寫緊文，中間無啦啦出左幾行文白夾雜的民初句子（非引述／無落注）
例子2： 寫寫下論文，突然用左感情色彩豐富的比喻(在教科書中抄出來的).......
你覺得助教或教授有心睇的話，睇唔睇到出來？
* 你引用人地就要寫明，你唔寫明就係抄！
2. 可疑的連接詞、代名詞。
好簡單。我睇你篇文，有「可是」、「然而」呢d咁既字眼，一定會睇下你轉咩折。一睇你前後無轉折，copy 你句野去google 一search 就知道你抄邊度。
「其」、「他」個ｄ 代名詞，搵唔到人refer的話，基本上成句都係抄的。
3. 不對題
通常抄的同學，都會大大舊咁抄。佢地多數係不求甚解，唔係好知人地講緊咩野，只係見到有相關字眼，好似係，就抄。但其實你仔細睇一睇，段野根本同佢個標題不一致。你小標題寫「定義」，結果走左去講源起，一句都冇define 到個term....
你唔好話呢ｄ野好簡單可以改，一定冇人會咁犯。好多人就係連呢ｄ野都唔理，所以出事。
其實，題目係助教或教授比你的。相關範疇的資料，你能找到的，他們即使沒有看過，也都大概知道講咩野。而且好多時，d 參考書目都係助教或教授比你的，所以你「參考」定「抄考」緊邊度，我地大概都知。
如果咁，你都仲要掩耳盜鈴，以為可以暪天過海的話，少年你太年輕了。
當然，知道係一回事，話唔話你係另一回事。
