CC can - 漁夫雞皇飯

價錢：$22.5
評價：汁係葡汁，味道可以。雞都算幾多，OK滑。
魚肉一般，感覺配搭比較奇怪。

返回See You 食乜好

CC can - 蜜桃雞皇飯

價錢：$22.5

評價：餸的數量偏少，admin 好慳咁食，最好五、六啖飯都係要乾哽。

蜜桃加落去，冇咩問題，但數量偏少。雞冇骨，但會連皮。

汁，類似白汁，不會太稀，味道還可以。

返回See You 食乜好

Franklin - 兩餸 - 雲耳蒸雞/冬瓜炆火腩

價錢：$24.6
雖然好似好多汁，但汁無味的。
蒸雞，雞不夠鮮。火腩，太淋。

返回See You 食乜好

Franklin - 燒味 - 叉燒

價錢：（單併）＄23.9 （雙併）$29.1（下午茶）$19.7
叉燒唔似食開的叉燒，睇圖右邊個d明顯同左邊的唔同左色，而且肉質似係鬆軟的瘦肉，而唔係叉燒。
左邊的叉燒全瘦，沒有半點肥。叉燒略硬，偏乾。

返回See You 食乜好

敬文 - 雞髀餐

閒來無事，三點入敬文can，成間can得小貓三四隻，如果你想過一個清靜的下午，入敬文係幾好的選擇。
雞髀餐$25 自選配西多/薯條/俄羅斯沙律，加杯野飲。性價比唔算高。
雞髀即叫即製，落單之後等十至十五分鐘，速度唔係快，但即製喎，算係咁。

雞髀因為係即叫即製，所以食既時候仲有ｄ脆，唔似有d can d雞髀咁食落就知係微波爐叮番出黎咁。
食落覺得唔太油膩，但亦唔太飽（哥去食的時候仲未食晏，梗係喇）

薯條似乎唔係即整，有d稔。食食下有d昆蟲會飛埋黎同你share食物。admin 只顧保護食物，兜茄汁就變成了成堆昆蟲的下午茶。

呢隻雞髀，值三粒星喇，不過不失。（out of 5）

小插曲：
admin 通過自動點餐機點餐，配ＸＸ要自己按。admin無知喇，有三個option比我簡我就按晒三個，點知佢又比我過喎～咁就印左張單出黎，等拎喇。點知隔一陣廚房，彈左張單出黎，好nice呀姐（非反話，真係nice）喚我上前去，問我點解簡左三個= = 係囉，我都唔知架＞＜＂


返回See You 食乜好

宜孫can - 四寶飯

價錢：$24
評價：四寶飯的標準份量，不多不少。汁偏多。
叉燒略肥，邊少少焦，油香十足。油鴨香，但偏濕，一般。
紅腸、鹹蛋......就是紅腸、鹹蛋囉。


返回See You 食乜好

宜孫can - 總評

地理位置
位處偏遠地區。偏遠地區交通不發達。


衛生
頗好。餐盆收集處衛生可以做得更好。

人流及效率
地點不方便，所以去的人比較少，多是宜孫的宿生，還有不想忍受SHAW can 的同學。
因為人不多，所以比錢好多時一分鐘內完成。
領餐方面，視乎叫什麼食物，湯飯那些要等久一點才會叫號，其他的效率算是一般（有時很快有時很慢。）

食物
有燒味、有湯飯、有日式的飯，種類算多，但每一種類的選擇算有限

價錢

一般。

返回See You 食乜好

Franklin - 兩餸 - 豆豉排骨/麻婆豆腐

價錢:$23.9 附送例湯/可樂
餸多過飯，數量驚人。
排骨有D肥，不太鹹，一啖飯，一口排骨幾好。
麻婆豆腐不辣，論入味不夠NA can 的好吃。不過又唔係個種完全冇味的。
性價比高。

返回See You 食乜好

CC can - 油雞河粉

價錢：下午茶$22 附送熱飲

評價：就份量而言，尚可，跟coffee con 午餐的份量差不多。

油雞偏少，部位一般。味道正常，算是不過不失。

有點敗筆的是，原來我是叫米粉的。呀叔可能岩岩番工冇睇清楚，結果比左河粉我。

返回See You 食乜好

Franklin - 中大頹扒飯

價錢：$21
欸......個名好好聽架。叫頹扒飯.....admin買既時候，expect 會有扒類的物體出現。
但係so far  冇架係。所謂的肉，係一舊午餐肉，同一塊火腿（厚的，應該係叫扒）
仲有粒太陽蛋，係幾靚架。
汁就冇得簡，得黑椒汁。
味道方面。黑椒汁係濃既，有兜汁已經可以食晒成兜飯。
午餐肉同火腿......咪午餐肉同火腿味。
粒蛋D汁可以撈飯食，係好過CC 個粒架。
另送可樂一細杯同一兜沙律的物體（美其名叫沙律，實則一堆生的菜）
admin 意見，其實味道／健康程度同CC頹飯一樣。CC頹飯仲可以多條腸，而且三色汁任簡。
價錢差一大截。admin 唔建議叫呢個

返回See You 食乜好

Coffee Con - 川椒牛肉絲配飯

價錢：$29.5
是coffee con 少有的米飯類食物。
個名係川椒，係辣的。admin 覺得係麻多過辣。冬天去食一食都係舒喉通鼻。留意千祈唔好食紅色的辣椒，因為你唔會頂得順！
餸料係幾多，反而飯較少。你食完d飯仲要快d時間去解決餸，同行女同學有半兜餸食唔晒。admin我就當然係食得晒。
牛肉絲唔少，同時有青椒、紅椒，正常味道。

返回See You 食乜好

CC can - 白汁雞絲粟米

價錢：＄22.5
admin 評語：極劣。
白汁太稀。配料仲衰過頹飯。將一條腸斬碎，再加各樣的碎。
雞絲得幾條，其他蔬菜類都係碎。
味道極差，食頹飯好過。
冇可能食得飽。admin 食完之後要買多個頹飯食。

返回See You 食乜好

和聲can - 兩餸 - 粟米蒸肉餅/翠瓜炒煙雞胸

價錢：$22　（熱飲+$2 凍飲 +$4）
蒸肉餅冇味，成舊整到四四方方，整出黎應該係搞下氣氛姐？
煙雞胸數落都有六七舊，數量多，但都係冇味。
翠瓜本身都係冇咩味。
咦，其實係admin 味覺壞掉定係食物真係冇味？

都幾耐冇黎食，今次入黎一食，失望！

返回See You 食乜好

新亞 can - 麻婆豆腐飯

價錢：$19 附送汽水一杯
麻婆豆腐好好食，偏辣，不過勝在夠香。比起Franklin 的麻婆豆腐好食。
豆腐都頗為入味。雖然呀姐畢比我畢有d衰...... 但整體都係唔錯的。

返回See You 食乜好

和聲can 總評

圖自網路，admin 遲ｄ自己影一張

地理位置
地理位置不方便。
坐3/6B/8號校巴陳震夏宿舍落。落車後向後行，一分鐘就到。
在聯合書院，到陳震夏宿舍10/F 坐快速電梯到 G/F，再行一分鐘就到。

衛生
衛生一般。特別係枱面污蹟比較多。
坐長枱，好似玩搖搖板咁，張枱兩邊屹。

人流及效率
地點唔算方便，但人算多。
比錢等兩至四分鐘，比本部個ｄ都要快一點。
領餐都係兩至四分鐘。

食物
食物款式幾多元化。有中式有西式，中式多數懶係健康，七八成都加d中藥名落去e.g. 杞子。西式就有漢堡飽等的選擇。
admin 曾經有一個時期好鍾意食呢間，但事隔多年之後，再黎食，覺得幾失望，因為唔好食。

價錢

中式的價錢正常，西式的偏貴。

返回See You 食乜好

新亞can 總評

圖from openrice, 得閒會去影一張架喇。嗯，得閒先

地理位置
位處新亞（廢話！）
坐2/4/5/6/7/8/H號校巴，到新亞，沿小百萬直走，經圓廣，去樂群館就係。（約三至四分鐘路程）
或
從MMW(蒙民偉樓)7樓/8樓往新亞，上長梯就係


衛生
admin 表示幾滿意。

人流及效率
人唔太多，排隊比錢一至兩分鐘就可以。
領餐一般兩三分鐘就可以了。
野飲另外拎，呀姐脾氣不大好。


食物
味道OK的。admin 有一個時期極中意去食。不過因為admin d 堂多數本部上，上新亞好唔就腳，所以之後好少去食。

佚事
有一個時期，西式快餐有一款係［地名＋物物物］。
如下圖示，Ｃ餐，中文係米蘭，英文仲係墨西哥。
你跟實呢個餐，一星期可以由米蘭食到墨西哥。

by Admin 的朋友，唔落credit 喇

價錢

一般至偏貴。admin 好懷念個時仲係14蚊的A餐 (2012年).... 2016-17年，A 餐 已經上到$19...

返回See You 食乜好

Coffee Con - 回鍋肉飯

正式個名我唔記得左，待考。
價錢：$29.5
是coffee con 少有的米飯類食物。
d汁望落雖然好似好辣，但其實辣度只係一般。起碼admin 唔洗一路食一路飲(admin 去譚仔係食三哥酸辣only)
骨多過肉，肉都幾入味。
不過我食晒呢兜野，主要係靠d汁囉。

返回See You 食乜好

Coffee Con - 魚片頭米線/河粉

價錢：$20  米線可轉河粉，比錢時要出聲
湯底：重味精味，同壽桃牌麵d調味粉差唔多。可自行後加胡椒粉，加完飲埋d湯可以舒喉通鼻。
魚片頭：同譚仔的差唔多。
冬菜：吊下味，多數比我撈起食晒先。
米線：冇咩特別。
男仔基本上一定唔飽。

返回See You 食乜好

Coffee Con - 魚腐米線/河粉

價錢：$20  米線可轉河粉，比錢時要出聲
湯底：重味精味，同壽桃牌麵d調味粉差唔多。（比較：比不上三哥的清湯）
魚腐：本身咩味，純粹有舊野咬下咁。
冬菜：吊下味，多數比我撈起食晒先。
河粉：冇咩特別。
男仔基本上一定唔飽。

返回See You 食乜好

Coffee Con 總評

圖自Openrice. admin 得閒就去自己影番張架喇。

地理位置
位處本部，相當之方便。距離校巴站2分鐘路程。


衛生
企理過franklin。

人流及效率
地點方便，人比較多，但收銀得好少。好多時只開一部收銀機。而排隊的大部分人都睇唔到個水牌，所以比錢時行動緩慢。等比錢一般要等五至七分鐘。
領餐都集中在一個地方，d人堆埋一堆，有時幾混亂。admin一般的做法係去counter 交飛，再去搵位。過五分鐘之後，再去領餐。建議領餐前先拎餐具，如果唔係到時拎餐具又要等。
人太多，搵位要花點心思。

食物
飯類比較少，麵食比較多。當然仲有各類西式食物。

價錢

一般。

返回See You 食乜好