中大資訊: 中大搵銀攻略

進入了大學，時間在你來說就是最寶貴的資產，你如何去分配就正正是很多大學生傷腦筋的一個項目。有些大學生可以月薪三萬元，甚至有些可以創業賺幾千萬，但是也有些還要家中接濟，就是學費四萬二千一可能也要傷腦筋一番。

筆者每年自己交四萬二千一學費（利申：不申請grant loan，且家中沒有提供金錢支援），而且手頭上還是鬆動的。筆者將以個人經驗分享身為大學生如何搵銀。

0. 做問卷

唔同公司都會做市場調查（SURVEY），就自己的服務/產品收集意見／在將來的新服務/產品之前收集意見。SURVEY形式五花八門，有d易做，有d難做的，用時不同，當然報酬亦有不同。

如下圖示，有不同的調查可以選擇，所顯示的金額係美金（$1美金=$7.8港元）

有d問卷唔太長，一程車已經可以做到好多份。一日（計美國時間）內完成2份以上，仲可以有額外16% 獎賞。有陣時亦可以做下offer，download d game落黎玩下，完成任務都可以有獎賞。

註冊：https://ujetso.page.link/ysense

做survey 小技巧，減少被screen out的機會：

1. 前後答的東西要一致，姐係你呢份問卷答自己係男，下一份唔好答係女。

2. survey前幾題好鍾意問你：有冇做某d行業，建議一律剔「以上皆非」。有d人以為剔得愈多，可以做的機會率就會愈大，但其實係錯誤的觀念。

3. 留心一D screening題目，例如測你有冇留心做，有留心就選「十分不同意」，你就要跟著黎選。一選錯就screened out.

4. 唔好做太快。一般五分鐘以上。當然亦唔好做太慢，做超過一個鐘，一般會session ended.

註冊：https://ujetso.page.link/ysense

1. 補習
眾所周知，大學生一個可以搵銀的方法就是出賣自己的時間和知識，然後賺到一筆不少的金錢。
補習到底點搵？
可以經中介公司（上google 打補習中介，有一大堆的結果，可以比較各間的介紹費，選擇最低的一間：例如以我所知有一間是收兩星期或$700 較低者為準）（注意一旦作出了承諾而甩底的話，是須付手續費的）
案：搵中介時宜小心被騙。應搵信譽良好的。（不要貪平）
同學介紹：每年夏冬兩次FINAL 前夕都有唔少人會quit 補習，而家長多數都會叫現有補習教師幫手搵人接手，而這樣的介紹好處就是大抵可以摸清補助學生/家長的情況，而又不需要付介紹費

好處：人工高、工時短，具彈性
壞處：佢final 時你final、遇到D 唔生性既學生真心激心、有時家長要求過於苛刻

2.　兼職
大學生兼職不外乎是當服裝店sales ,做客戶服務員,賣下寬頻咁上下。
呢個當然會辛苦，但勝在長做長有，而買野又可以拎到折（員工福利），而到你畢業既時候，又可以有N年工作經驗，可謂在起跑線上早已勝利。
人工方面，老實講大學公價都$55/hr ，你依據呢個水平黎搵工差唔多。

不過有時衰就衰在工時不夠彈性，公司唔夠人用可能會叫你一星期番幾日，你邊番到？

兼職可以點搵？
上勞工處/各大搵工網搵，但都係個句，小心求職陷阱。
CU job link ：　http://cpdc.osa.cuhk.edu.hk/student/login　　打入自己的SID+CWEM password 就可以找到一系列的職位空缺，有些更是CUHK請的，更方便。

朋友介紹
見人地鋪頭貼街招，走去問。

好處：有員工福利、學到野、長做長有、工作經驗
壞處：人工不高、工時長、有時唔得閒都要番

3. 做白老鼠
大學唔單止係一個教學既地方，每一日都有大大小小既研究進行緊。
而教育、社會科學唔少既研究都要有人幫手做測試，以拎數據黎support 佢篇文既argument。
呢D白老鼠工作，$50-60 / hr ，當然有D 會更高（最高我試過$100 / 45 min）
已有另文教學教你點樣可以最快apply 得最多：http://cuhkinfo.blogspot.com/2017/05/majoring-in-psychological-experiment.html

點搵：
我地每星期都會收到由大學ITSC發出既mass mail

click 入去就可以根據要求填form 登記 / send email 登記

一星期大大話話都有成10幾20個recruitment，你逐個報下，turn out 都會有2-3 個被簡中既（我的經驗。）

好處：做完收完錢就甩身－冇責任、好大彈性，你得閒先報唔得閒唔報
壞處：唔穩定，有成村人一出就已經去apply 而好多時都係先到先得

4. 賺下虛擬銀行/傳統銀行的開戶優惠

而家越黎越多銀行/證券公司會target on 大學生。你唔洗有幾十萬其至幾百萬，一樣都可以有唔錯的優惠。

就例如近年好多人用的富途牛牛，開戶後入金keep一段時間，就有美股送。得閒賺下分，換下券，又賺分多少。詳情：https://cuhkinfo.blogspot.com/2023/07/blog-post_27.html

新興的虛擬銀行。有好多間都推出左幾百蚊的開戶獎賞，大家不妨留意下。

本網站另文介紹各間虛擬銀行提供的優惠：https://cuhkinfo.blogspot.com/2021/07/blog-post_26.html

5. 買野賺下回贈

admin而家買野用信用卡付款，坐底都5%回贈。識玩就得，但當然，信用要儲的。

學下玩信用卡：https://cuhkinfo.blogspot.com/2020/08/blog-post.html

自己佣金自己賺：https://cuhkinfo.blogspot.com/2023/07/blog-post.html (嗌foodpanda/ deliveroo可以有返佣 )

6. 買賣股票、外幣

老老實實，其實有trend，自己睇睇個trend 低買高賣，即可賺到笑。