拜年答問操練系列。

１	問　　　題：今年幾大呀你？ 心入面個句：舊年咪問完，今年又問？要唔要比張身份證影印本你存檔？ 回　　　答：Ｘ歲。
２	問　　　題：有男/女朋友未？ 心入面個句：我A380。/我NA380。 回　　　答：我嘛，嘻嘻，暫時未有。/有啦。（衍生另一問題：圖or老母?）
３	問　　　題：幾時結婚派利是請我飲？ 心入面個句：係結都唔想請你囉。 回　　　答：邊個邊個（比你大的同輩）都未，唔敢爬佢頭呀。
４	問　　　題：要唔要我帶你去相睇？ 心入面個句：我最期待的畫面出現了（小毒毒心聲）/欸……而家仲相睇……? 回　　　答：嘻嘻嘻嘻……唔洗唔洗……
５	問　　　題：仲打唔打算讀上去呀？ 心入面個句：我都想知。 回　　　答：再睇下點先喇。
６	問　　　題：出黎打算搵份咩工呀？ 心入面個句：邊份請我咪邊份囉。 回　　　答：未開始搵呀，遲d再睇下。
７	問　　　題：出到黎一個月搵幾多錢？ 心入面個句：我都想知，不如問水晶球？ 回　　　答：嘻嘻……其實都要睇下個市道點樣既。
８	問　　　題：要唔要我介紹你去我公司做？ 心入面個句：…… 回　　　答：遲d先算喇。
９	問　　　題：幾時買樓呀你？ 心入面個句：你呢？ 回　　　答：梁振英話齋，有土地問題。等佢解決左先喇。
１０	問　　　題：點解你好似肥左架？ 心入面個句：不要再說了，我不承認。 回　　　答：中大好食好住嘛。
１１	問　　　題：點解你好似瘦左架？ 心入面個句：正呀喂！我唔洗再嗌減肥！ 回　　　答：最近可能做多左運動。