一般而言，你有至少一星期準備。這時，你就不禁要問，到底有什麼可以準備呢？
1. 準備文件
一般而言，面試會要求你帶一堆文件的正副本去，按過往的經驗，這些文件包括：
a) 面試邀請信hard copy
b) 身份證
c) 大學學位證書 + transcript (未畢業的同學應預早申請定張official / student copy)
d) CRE 及 BLT 成績 （個封政府信；如你獲豁免考中英文，須帶備相關公開考試證書）
e) 工作證明（離左職就reference letter；未離職就報稅單都ok）
（詳情請自行參閱面試電郵）
2. 準備自我介紹
約1-2分鐘，如方便可以諗定伸縮位，個別panel會限定自介的時間。
中英文都要準備。
自我介紹唔係要你讀你份CV出黎，重點highlight 呢兩樣野：
你最突出既地方而你想個面試官知道的 （例如我係HKU 神科first hon）
你適合呢份工的原因/特質/經驗 （例如做ATO要有咩特質？對商業/貿易有興趣？你要點show出黎）
3. 份工到底要做咩
面試官好鍾意問你：
你知唔知呢份工有咩做？
點解你要選擇呢份工？
比起其他grade，你覺得呢份工有咩特別／具挑戰的地方？
呢d 問題都係要求考生熟知工作內容，如果你一舊雲過去，好易比人睇穿。既然你唔知、冇準備，咁你憑咩話你係I am a suitable candidate姐？
咁點準備呀？
- 公務員事務局網站其實會講明 Duties and Responsibilities：
- 睇Newsletter，例如EO 睇呢本：https://www.csb.gov.hk/tc_chi/publication/2004.html
呢d 有得prepare 就好prepare 定
4 情境題
呢d題可以話係最重要，因為係你番工之後會切身面對的。
要準備呢個，你要好清楚呢份工做咩。
例如你做EO，你有機會管老屎忽，但佢地又唔聽話，你會點做？
例如你做ATO，有個客拎唔到政府d津貼，走上黎office搞事點算好 ？
係囉？要點做呀？諗定先好去。
5. 時事題/常識題
所以你要多留意新聞，知道多少少唔同範疇的資訊。
例如我開口問你選舉係歸咩局管嫁？你要up得出係政制及內地事務局。佢個局長係邊個呀？聶德權。
又例如香港有咩措施處理廢物？
又例如科技對人其實係好唔好？
你如果up唔出/講到1999，咁就明年再見。
--
下一章會仔細講講EO/ATO/AO Prelim 既面試流程。
