提提你

Friday, February 8, 2019

【強逼金系列之一】強積金基本資料

同學讀大學時好多時都會做part-time又或student helper,就會接觸到強積金。咁到底強積金係咩,作為學生應該點樣選基金呢?admin會同大家做個概覽,分享下自己的選擇同埋對唔同基金的意見。

而作為一個與「金融」有關的系列,一定要把話說在前頭。admin並非持牌人士,說的是根據網上資料個人經驗投資涉及風險,作出任何決定前,請自行思考。本網站不為任何人的損失負責。

什麼是強積金?
強積金全名為強制性公積金。任何年屆18歲但未滿65歲,並任職滿60天者即具資格參與。除非你參加緊其他認可的職業退休計劃(例如公積金;admin按:一般學生都唔係供公積金),或持工作簽證受僱未滿13個月。

我要供幾多錢?
供款分別來自老細同打工仔。而供款又有分強制性同埋自願性。

要計供幾多之前,就要先了解一個term叫做「強積金有關入息」。

強積金有關入息 = 薪金+花紅+超時工作補薪+酬金+房屋福利+所有其他現金津貼(不包括醫療福利/工作報賬之退還/長期服務金/遣散費)

老細強制性供款: 強積金有關入息X 5% =(上限$1500)
打工仔強制性供款:強積金有關入息(最少$7100)X 5% =(上限$1500)

舉三個例

允行月入$5000,老細強制性供款是$250($5000 X 5%);打工仔強制性供款$0(低於$7100)

一心月入$15000,老細強制性供款是$750($15000 X 5%);打工仔強制性供款$750($15000 X 5%)

家寶月入$40000,老細強制性供款是$1500($40000 X 5%;上限$1500);打工仔強制性供款$1500($40000 X 5%;上限$1500)

除左強制性供款之外,老細同打工仔都有可以選擇自願性供款,但極少人會咁做。因為強積金的回報及收費(i.e.管理費)一向為人逅病。如果你有閒錢自願供款,不如自己投資自己做。

選擇受託人
現時市面上比較多人用的是匯豐(admin我有3個戶口。admin我有好多兼職架哈哈)。另外好多金融機構都會提供強積金受託人服務,例如admin我又有個中國人壽強積金戶口,中大做Helper時又有個富達戶口。

受託人一般是僱主選定的,不過有d公司可能會有兩三間供僱員選擇。例如中大就提供左安聯同埋富達。

選擇受託人時,要考慮幾樣野:
1. 受託人提供的基金選擇 (不過老實講,其實間間都大同小異)
2. 受託人的基金管理費(收費會影響你的總回報;又收得貴唔代表佢投資表現好)
3. 受託人的基金表現(表現直接影響你的回報,賺多賺少睇呢個)

你番的每份工,都會有一個供款戶口。一旦你離職,供款戶口就會變成個人戶口。若有太多戶口管理不便,最好還是加整合。(不過,手續有d麻煩,而且要留意d基金賣出買入都有差價)

下一個post,我地了解下各種強積金基金到底係咩。



想得到最新資訊?Like我地個page!

如有問題想問,不如直接pm「中大資訊」,覆得快好多。