提提你

祝開學順利!

【01. 搵銀攻略】
【02. 投考政府工資訊目錄】
【03. 科目資訊平臺】
【04. 報失、拾遺平臺】

2019年8月16日星期五

【政府工】EO 面試答題分享

以下是一些能成功取得offer的朋友的分享。世上並無所謂的完美答案,最重要的是你說得合不合理,能不能打動考官的心。

閱讀本文前,請先閱讀【政府工】EO 面試詳解

EO面試分享[影片]:https://www.facebook.com/infoCUHK/videos/626865614819750/

我見你有報其他grade wor,如果全部都有offer,你會點樣選擇?為什麼?
1. 如果你有報AO的話,可以坦誠告之,如AO有offer就不會考慮其他grade。(無必要隱瞞,人之常情,一個月人工差兩萬,而且又可以升得高d, 你有得做點會唔做呢?相反,如果你答淨係會選EO架,佢追問你:咁你報咁多grade黎仲咩?你就會口啞啞)
2. 如果你有報其他grade,你可以同佢講,如果有幸拎到咁多處的offer,我會更希望自己能夠在不同的崗位工作,吸收多些經驗。而EO正正能夠讓我在不同的崗位工作,吸收多些經驗,所以我諗我會選擇EO。

你認為一個稱職的EO有何特質?
a. 適應力強因為隨時要前往新崗位;
b. 溝通技巧因為EO經常擔任橋樑角色,不論縱向(上傳下達)、橫向(不同部門),以及對外溝通,都是工作重要部分;
c. 要夠tactful,EO是資源把關者,很多時候都要在無奈的情況下拒絕別人對資源的requisition,但又不能損害良好關係,所以在say no 時要比較世故圓通);

其他可能的CV問題:
  • 我見你之前既煙腸都係Financial Sector /其他Sector,點解會黎報EO?
  • 我見你同時有報AO 同EO,可唔可以比較下兩者的Career Path?
  • 知唔知EO開會有咩做?事先有咩要準備?
  • 你大學實習時有咩職責?有咩得著?

處境題:假設我是一個詢問處的主管,本身有5名下屬,上頭決定我的小隊要由5人變3人,但要維持服務水平,符合KPI,如何解決?
首先要給予問題一個扼要的summary,其實就是efficiency enhancement。
方法:
(a) 分析過往問題,如有FAQ, 可預備定標準回應口徑予同事,同事即不用把每個個案都當成新個案由頭開始了解,加快回應時間從而縮短case的lead time;
(b) 教導同事在開始和client對話前訂立ground rules,例如說「我們的對話會大約為時15分鐘」,以避免無止境地對談;
(c) 制訂表格讓未能在限時之內講述所有問題或意見的client以書面形式補充;
(d) 分析過往問題,看看是否有很多其實可以在open domain找到資料,只是client不懂搜尋,然後把這些資料的連結及QR code整理並制成單張,當client是問這一些資料,便直接提供單張;
(e) 安撫同事,並向他們表示我會擔當他們的安全網,遇到非常難處理的個案,不妨向我求助,不要與其長時間糾纏,並轉而處理下一個個案;及
(f) 分析client數量是否有季節性高峰,如有,可考慮向上頭申請非公務員合約短期職位。

追問:如遇下屬表示不滿意,會如何回應?如接到投訴,又會如何跟進?

處境題:如果你有收到單投訴,個市民話在辦公時間內你個receptionist唔見左人。調查之後,發現條友原來偷偷地行左去會議室食lunch。咁你作為EO,你會點樣做?

可行答案:查清楚條友到底點解會咁樣做。到底係有急事(屋企有事之類),定係蛇王。如果係有急事,我會酌情處理。但如果只係蛇王,我會採取紀律行動。

追問:如果個同事話你知因為佢lunch去左同同事打羽毛球,所以冇食飯,而家翻黎補返食飯呢?咁你會點樣同同事講呢?

可行答案:lunch時間應該去食飯,打羽毛球就應該選擇其他適當的時間,例如放工之後、星期六日。工作時間內,你應該做番工作相關的事情。

追問:同事答你話:打羽毛球其實都係同同事打,係可以增進感情,令以後既工作大家可以合作得好d,作為上司你冇可能阻止。再者,我係見到冇人黎先偷偷走入會議室食飯,根本唔會影響到工作。

可行答案:作為上司,我並唔反對同事同同事之間打波增進感情,因為我都會咁做。但你要在適當的時候去做。午膳係比你食飯,而唔係打波的。你話工作時間食飯唔會影響到工作,但而家我地確確實實係收到投訴,你又點樣可以話對工作冇影響呢?

處境題:你有三個下屬,分別係阿甲、阿乙同阿丙。佢地三個都要參加一個有關誠信的全日工作坊。事後,你收到報告指呢三個人都只在上午簽到,沒有在下午簽到。你會點樣做?

追問1:你之後問佢地,阿甲話有出席,只係冇簽到,而阿丙同阿乙請病假,你會點樣處理?

追問2:你點樣證實阿甲講既野係真話?如果冇人證明到阿甲有出席,你又會點樣做?

追問3:你會唔會叫阿甲提供筆記或講下佢上工作坊聽左d咩?

追問4:咁阿乙阿丙你會點處理?佢地請病假但又冇同你講,你會唔會罰佢地?

追問5:(如果答唔會)點解唔罰?佢地有犯規架喎。

其他處境題:
你條team準備同其他team 合併,你既Team member將要過渡去俾其他呀head lead住,你有咩要做?與此同時,你的一個Team member同佢未來老細關係好差,咁你會點樣處理?


本頁內容僅供參考,只是個別考生的個人意見。各位可以自行判斷內容,亦能夠根據EO的工作職責及內容自行想像不同的情境及答案。



  • 三分鐘申請 BOC Pay,享$10即時回贈。。詳情
  • 優惠資訊,盡在「優惠級」。詳情

想得到最新資訊?Like我地個page!

如有問題想問,不如直接pm「中大資訊」,覆得快好多。