提提你

Friday, August 10, 2018

OCAMP完全手冊:入營前

OCAMP入營之前,新生總係對將要接觸的新環境和新朋友有很多的期待和恐懼。寫這個OCAMP完全手冊就希望大家可以在OCAMP期間不至於手足無措,能更投入,更開心。

入營前,你要確保自己收到入營的通知。一般你的組爸媽會打比你,通知你集合時間/地點,有咩特別要帶,有咩特別要留意。這個電話一般會在入營前幾日至前一日打給你,若然到了入營前一天下午仍未收到電話,你最好聯絡迎新營的負責人問問係唔係有咩野出錯定miss左。新生亦要體諒爸媽同籌委執委,為左搞呢壇野,佢地其實好多野做。

Note:唔只你地緊張,其實爸媽都好緊張。當佢地每打完一個電話之後,都會去whatsapp group度分享下。佢地仲會去你地fb/ig度偷睇你地既profile / post,因為佢想了解你地,知道大家既性格,就可以諗下點樣幫你地融入團體,等你地能夠在短短幾日之內盡量熟絡。

要準備的東西
好幾年出過一篇,入營必備物資,大家可以參考:http://cuhkinfo.blogspot.com/2013/07/ocamp.html

有幾點要特別highlight:
1. 帶唔帶gip好?
冇必要。四日三夜行裝唔洗好多,加上上身已經日日著營衣,冇咩必要帶咁多野去。加上,中大有唔少地方都有樓梯。例如集合聖地嶺南場,上看台要行好多級,之後坐校巴又要托上車托落車,拎著個gip極不方便。特別係女同學,上落都要有人幫,真係唔係咁好。

2. 按摩膏/休足時間之類的東西
admin我會形容入營呢幾日既運動量等於我兩三個月加埋既運動量。所以同學的肌肉會好攰好酸。大家夜話時可以貼下用下,對腳就可以舒服一啲。個別比較caring的組爸媽會準備比大家,但自己帶定,有備無患。

3. 八達通(已增值)
玩city hunt好多時都要穿梭港九新界,好多時都要坐港鐵,所以記得入多少少錢,唔好到時坐到負錢要停低增值,拖慢進度。


有咩其他要準備?
1. 熟悉一下beat。
dem beat 係中大的傳統。入到中大,入到ocamp,大家都無可避免要dem beat。大家可以先了解一下dem beat是幹什麼的,有空也可以看看中大著名的和聲beat。在各院系的迎新營都少不免要dem 一下。
和聲beat:http://cuhkinfo.blogspot.com/2013/07/beat.html

2. 知道一啲名詞點解,廢時入到營,同人夜話夜到一舊雲。
http://cuhkinfo.blogspot.com/2013/08/blog-post_14.html

3. 心態上的準備
- 關於目的
你要知道去這個營的目的是什麼,不要漫無目的地浪費時間。你入去的目的係識人,咁你就要投入團體,放心思進去玩。唔好一副dont give a shit既樣,咁搞法人地都唔敢接近你喇。另一個目的,就係認識中大。老實講,你一定記唔到咁多,但至少你盡力,捷徑認得一條係一條。

- 關於遊戲
入到組,係一個整體。人夾人,在於不同人之間的磨合。記著勝利只是一種團結的回饋,並不是最重要的。重要的是你和其他人友誼的建立,和他們在一起的回憶。

4. 養足精神
admin新生時三晚加埋只睡六小時,人會比較攰。所以未入營前,最好好好休息,養足精神。


又及:
個別ocamp可能會設pre-camp聚,跟著同大家講,唔好交換fb/ig個d著,要保持神秘感。大家記我照做,因為有原因的。




想得到最新資訊?Like我地個page!

如有問題想問,不如直接pm「中大資訊」,覆得快好多。